Аллаһының рәхмәтенә ирешү өчен гыйлем алуны үзеңнең төп бурычың итеп кабул ит.

Файдалы китапларны уку күңелгә шатлык китерер, фикергә азык булыр, зиһенгә куәт кертер.

Ак кәгазь битләре аша күңелең кушкан уйларың белән, гади итеп язылган нәсихәтләрең: тормыш тәҗрибәң, якты хатирәләрең, файда бирә алырлык киңәшләрең белән бүлешә алу – зур бәхет ул.

Бүгенге тормышны һәм  әби-бабаларыбыз яшәгән чорны чагыштырсак, җир белән күк арасы…. Алар яшәгән чорда авырлыклар тагын да күбрәк булган, югыйсә! Зарларын һәм борчуларын Аллаһы Тәгалә белән бүлешеп, күңелләрен бушатып, сабырлык сорый иделәр алар.

Һәр эшне – зурмы ул яки кечкенәме – ихластан, күңел җылысын биреп башкара торган кешеләр ярдәме белән көннәребез, тормышыбыз, дөньябыз да яхшы якка үзгәрә.

Канатларны үстерүче дә, ныгытучы дә, йөрәкне пакьләүче һәм сафландыручы да – дөрес юнәлештә ясалган адымнар. Әлеге бәхетле мизгелләр – Аллаһы Тәгаләнең бүләге.