Көтеп алган язлар һәр елны да
Бертөсле күк тоелса да,
Үзгә алар, алданмагыз,
Узганы да, яңасы да.

Еллар йөгергәне сизелми дә,
Тормыш-дәрья ага гына.
Кай арада кичләр җиткән —
Таң иде бит яңа гына!…

Кабатланса һаман бертөрлелек,
Узган вакыт сизелми күк!
Әй яшәп тә куя кеше —
Мәңгелеккә килгән күк!

Мизгелләрнең яме сизлеп арта,   
Туктап бераз уйланганда…
Һәр иртәдән ямьнәр табып,
Яшик әле дөньяда!

Гыйнвар, 2017