Кул сузымы гына ямьле язга…

Якты нурдан өмет уяныр!

Бозлы судай салкын хәбәрләрне

Гөрләвекләр җыры юып алыр!

Яшел чирәм шытар эзләреңдә

Нур чагылыр юлдашыңның йөзләрендә,

Язлар бүләк иткән гөлне күреп,

Өмет ныгыр батырларның йөрәгендә!

Язлар җитә! Кул сузымы ара…

Быелгы кыш артта калып бара…

Яшьле күзләреңә нурлар иңсен,

Киләчәккә өмет белән кара!

Яңа язлар белән җир яңара!

29.02.2024