Наилә Гаффарованың шәхси сайты

Личный блог Наили Гаффаровой

Кемнәр көтми ышанулар, гөлләр,
яшәрүләр биргән бу айны?
Яздан, гаделлектән, киләчәктән
Мөмкин түгел аеру Тукайны!

 

Равил Фәйзуллин

Бәйрәм иртәсе

Бәйрәм иртәсе

Баласына бирәм диеп,
Ак әби бүләк алган.
Зәгыйфь үзе, хәлсез инде.
Тик шулай да…
Шатлык өләшер өчен
Каяндыр ул көч тапкан.

Салмак адымнар белән ул
Сөенеп, алга атлый.
Көтүен дә көтмиләрдер…
Тик шулай да…
Бармый калу бүген анда
Һич кенә дә ярамый…

Бәйрәм иртәсе кояшы
Канат куйган иңенә.
Ара ерак… тын кысыла…
Тик шулай да…
Балаларны шатландыру
Бик рәхәт күңеленә…

март, 2012

Фикер калдырырга

Иң татлы тел - туган тел
Кайтаваз
Якты уйлар
Файдалы ресурслар